200 ლარი და 50 ლარიანი საპენსიო დანამატი ვეტერანებს

ფაშიზმზე გამარჯვების 67-ე წლისთავთან დაკავშირებით, ზუგდიდის მუნიციპალიტეტის გამგეობამ 200-200 ლარით დააჯილდოვა ვეტერანები და მისალოც ბარათზე დართული ჩანართით, რომელიც გამგეობის თანამშრომლებმა დღის განმავლობაში სათითაოდ ჩამოურიგეს ვეტერანებს სახლებში, მიაწოდა ინფორმაცია, რომ მიმდინარე წლის ივნისიდან მათი საპენსიო დანამატი იქნება 50 ლარი.
ზუგდიდის მუნიციპალიტეტში 48 ვეტერანია. დღევანდელ სადღესასწაულო შეხვედრაზე მათი რიცხვი შესამჩნევად შემცირებული იყო.