,,ხელისუფლებამ ხალხს ბოდიში უნდა მოუხადოს"

ამბობს პარლამენტარი გურამ ჩახვაძე ზუგდიდში მოსახლეობასთან ეროვნულ დემოკრატიული პარტიის შეხვედრაზე. ,,ბოდიში იმისათვის, რომ  ბევრ რამეს ვერ აკეთებენ, მაგრამ ისინი ,,ქლესაობენ" და ამბობენ, რომ მეტია გასაკეთებელი. ერთადერთი პრეზიდენტმა თქვა სიმართლე–ამ სავადმყოფოებს რომ ვხსნით, უნდა ვიფიქროთ იმაზე, შეძლებს თუ არა ხალხი იქ მკურნალობასო". ,,მინისტრები თავად უნდა ამყოფო 22 ლარიან დახმარებებზე და მერე ნახავენ შეძლებენ თუ არა ამ თანხით ბიოლოგიური არსებობის გაგრძელებას", ,,სოციალური დახმარებები იმის მიხედვით კი არ უნდა ინიშნებოდეს

ადამიანს კბილის ჯაგრისი აქვს თუ არა", ,,ახალი სამუშაო ადგილების შექმნა კიარა, ხალხს იმ სამუშო ადგილების შენარჩუნებაში უნდა დავეხმაროთ, სადაც მუშაობენ" და ასე შემდეგ.  სოფელ ნარაზენში მოსახლეობასთან  შეხვედრის შემდეგ  ედპ–მ დემოკრატიული ჩართულობის ცენტრში თავის თანამოაზრებს ახალი პროგრამა  გააცნო.  როგორც ყოველთვის, გაწონასწორებული შენიშვნები გამოთქვა ქვეყანაში არსებულ სოციალურ–პოლიტიკურ მდგომარეობაზე და დააფიქსირა რომ მას  შეუძლია ხალხს შესთავაზოს პრობლემების მოგვარების ახალი გზები ,,საზოგადოებაში პოლარიზაციის პროცესი მიმდინარეობს. ედპ დაუპირისპირდება ამ პროცესს, რადგან პოლიტიკაში ,,ორპოლუსიანობა" საფრთხის შემცველია სამოქალაქო მშვიდობისა და პოლიტიკური სტაბილურობისათვის." –თქვა პარტიის თავმჯდომარემ ბაჩუკ ქარდავამ. –,,პოლუსის ერთ მხარეს ,,ნაციონალური მოძრაობაა", მეორე მხარეს მისი ანარეკლი–,,ქართული ოცნება" დიდი ფინანსებით,  ის აუდიტორია, რომელიც არც პირველ მხარესაა და არც მეორე მხარეს, ანგარიშგასაწევია. მესამე გზაა ჩვენი არჩევანი–ორიენტირებული ღია საზოგადოებაზე, ორიენტირებული დიალოგზე,  სამართლიან სახელმწიფოზე, თავისუფალ მეწარმეობაზე,  ეროვნულ თვითმყოფადობასა და დასავლურ სამყაროზე, ტრადიციულ ფასეულობებზე და ტოლერანტობაზე."