ირაკლია ალასანია 12 აპრილს ზუგდიდელებს შეხვდება

12 აპრილს, ვნების კვირის დიდ ხუთშაბათს ,,თავისუფალი დემოკრატების" ლიდერი ირაკლი ალასანია ზუგდიდელებს დემოკრატიული ჩართულობის ცენტრში შეხვდება. შეხვედრა დისკუსიის სახეს მიიღებს და ზუგდიდელებს თავად შეეძლებათ ისაუბრონ მასთან იმ პრობლემებზე და სკითხებზე, რასაც ამ ეტაპზე მიიჩნევენ აქტუალურად, მათ შორის  იქნება ალბათ ჯანდაცვის, განათლების, სოფლის მეურნეობის თემები. საუბარი იქნება იმ ბანდფორმირებებზეც, რაზეც ინფორმაცია თავად ალასანიამ აქტიურად წამოსწია. ,,...ეს იქნება ზუგდიდელებთან და სამეგრელოს პარტიულ აქტივთან შეხვედრა და არა ,,ქართული ოცნების" შტაბის დაფუძნება, როგორც ამას აჟღერებენ დღეს საინფორმაციო

საშუალებები."–განაცხადა ,,ზუგდიდთან" საუბარში ,,თავისუფალი დემოკრატების" ზუგდიდის ორგანიზაციის ხელმძღვანელმა გიორგი ალასანიამ და იქვე დასძინა–,,გარდა ამისა, მინდა განვუმარტო საზოგადოებას, რომ ირაკლი ალასანია არ იქნება და ვერც იქნება ,,ქართული ოცნების" სამეგრელოს შტაბის ხელმძღვანელი. ის გახლავთ ამ კოალიციის ერთ–ერთი ლიდერი, პარტიის ხელმძღვანელი და სხვა დატვირთვით იმუშავებს არჩევნებამდე. კიდევ ერთხელ გავუსვამ ხაზს–აღდგომის შემდეგ ირაკლი ალასანია აქტიურად ჩავა  რეგიონებში, მათ შორის განსაკუთრებული აქტივობით სამეგრელოში, ზუგდიდში, რომელთანაც მას ახლო ურთიერთობა, სანათესავო, მამის მეგობრები, ძალიან ბევრი თანამოაზრე აკავშირებს და ფლობს იმფორმაციას იმ ზეწოლისა და შიშის შესახებ, რომელსაც ამ კუთხის მოსახლეობა განიცდის"