ზუგდიდის რაიონულ სასამართლოში დღეს კოალიცია „ქართული ოცნების“ წევრის სერგო ჩაჩიბაიას სასამართლო სხდომა გაიმართა. პროცესზე დაიკითხნენ ბრალდების მხარის მიერ წარდგენილი მოწმეები - ინსპექტორ-გამომძიებელი გოგიტა ფარცვანია, პოლიციის სამმართველოს კრიმინალისტიკური სამსახურის ექსპერტი თეიმურაზ ბიგვავა და კრიმინალისტიკური სამსახურის მთავარი ექსპერტი მამუკა კოდუა.სერგო ჩაჩიბაიას ერთ-ერთი ადვოკატის, შალვა შავგულიძის განცხადებით, ბრალდების მხარის მიერ მოყვანილი არც ერთი მოწმე არ ამბობს სიმართლეს.სერგო ჩაჩიბაიას დღევანდელ სასამართლო პროცესს ესწრებოდა პარტია „თავისუფალი დემოკრატების“ ერთ-ერთი ლიდერი ვიქტორ დოლიძე.
სერგო ჩაჩიბაიას საქმეზე სასამართლო პროცესი ხვალ დილის 11 სათზე გაგრძელდება.
შეგახსენებთ, სერგო ჩაჩიბაია 25 მარტს დააკავეს ზუგდიდში ერთ-ერთ ავტოსერვისთან ვინმე ოთარ ქეცბაიასთან სიტყვიერი შელაპარაკებისას. მას ბრალად ედება ცივი იარაღის ტარება და პოლიციისთვის წინააღმდეგობის გაწევა.
Комментариев нет:
Отправить комментарий