სამეგრელო-ზემო სვანეთის სამხარეო ადმინისტრაციაში დღეს წალენჯიხის, ხობის და სენაკის მუნიციპალიტეტების განვითარების სამოქმედო გეგმები წარმოადგინეს. პროექტის ფინანსური მხარდამჭერები არიან „მოძრაობა შიმშილის წინააღმდეგ“ და გაეროს განვითარების პროგრამები.გეგმებში არსებულ პრიორიტეტებზე და მათ შემუშავებაში ადგილობრივი თემებისა და თვითმართველობის წარმომადგენლების მონაწილეობაზე ისაუბრეს ჯერ პროექტის მენეჯერმა ფლორიან დელონემ,
შემდეგ კი, იმ ქალაქების წარმომადგენლებმა, რომლებიც აქტიურად არიან ჩართული პროექტში.
მუნიციპალიტეტების განვითარების სამოქმედო გეგმა 2012-2017 წლებს მოიცავს და ეტაპობრივად განხორციელდება. პროექტის მთლიანი ბიუჯეტი 4,5 მილიონ ევროს შეადგენს. პრეზენტაციის დამთავრების შემდეგ გამოითქვა აზრი რომ თემებისთვის პროექტების განხორციელებაში ჩართულობა მათთვის დადებითი ფსიქოლოგიური მომენტია და მისასალმებელია.
შეხვედრას თავად რწმუნებული გურამ მისაბიშვილი უძღვებოდა.
Комментариев нет:
Отправить комментарий