დიასახლისის სოციალური სტატუსის მქონე ქალბატონები გაუთანაბრდებიან საჯარო მოხელეებს

საქართველოს ეროვნულ-დემოკრატიული პარტია დიასახლისის სოციალური სტატუსის შემოღების ინიციატივით გამოვიდა. პარტიის  ქალთა ორგანიზაციის ლიდერის  ეკა შინდაგორიძის თქმით, საქართველოში დიასახლისის სოციალური სტატუსის შემოღებით, ქალბატონები, რომლებიც მთელ დროს ოჯახურ საქმეებს და შვილების აღზრდას უთმობენ,  სოციალურად დაცულები იქნებიან.


,,მსოფლიოში ამის პრეცედენტი  არსებობს. ისრაელშია მაგალითად ქალის სოციალური სტატუსის პრეცედენტი, იქ  დიასახლისი ქალბატონები დაცულები არიან. გარდა ამისა, ქალბატონები, რომელთაც ჰყავთ ერთი ან მრავალი შვილი, უნდა იყვნენ უზრუნველყოფილნი ჯანმრთელობის დაზღვევით. ასევე  ძალიან მნიშვნელოვანია საპენსიო ასაკში დიასახლისმა ქალბატონებმა მიიღონ არა მინიმალური პენსია, არამედ ეს უნდა იყოს შრომითი პენსია  და ეს  აბსოლუტურად შესაძლებელია."